Discurso Encerramento

Lei da vida ta dzé k tudo o k começa, devé tem um fim, e nós campanha eleitoral ka pode fugi a isso, assim nô ta li junto má bocês hoje nesse grande comício festa, pa junto nô encerra oficialmente nós campanha eleitoral.

Nós campanha onde nô mostrá e demonstrá, de forma inquestionável, k nós equipa é a melhor opção pa dirigi o nosso jovem Município.

Na tudo campanha eleitoral, ta contcé coisas doces e coisas amargas, mas um ta confessá bocés que a gostosura da doçura teve sempre mais presente na nha boca, pois apesar de conotode como “desconhecido”, um foi sempre bem recebido pa tudo onde nós equipa passa.

Nha caixa de correio, tanto de telemóvel, como de correio electrónico, teve sempre cheio de mensagens de apoio e de elogios.

Nha telemóvel dificilmente consegui descansá, de tonte telefonema.

Tudo isso ta fazeme senti k nha manera de ser e nha forma de relaciona má tudo gente, escrevé a palavra AMIZADE com letras gordas na dicionário de nha vida.
Tudo isso ta fazeme senti k apesar de muita canseira e de muito stress e, mesmo sem o conhecimento de qual ta bá ser o resultado nas urnas, mas k valeu a pena, valeu a pena ter estode durante esses 26 dias, junto de gente humilde de localidade onde um dia um nasce e onde um vivé uma infância feliz.

Mas durante esse campanha um vivé momentos de grande tristeza, k provocá lágrimas na cada conte de nhas oio e k um tentá disfarçá sempre deboche nhas óculos escuros.
É triste constata k ainda nô tem gente k ta vivé deboche de tonte miséria,
é triste senti k enquanto um ta desperdiçá diariamente uma boa porção de cmida mas espalhode pa esse nós ilha scalabrode, tem um data de gente ta passá dias e mais dias de fome.

Tantas vezes antes de dormi um perguntá: mas porqué tanta injustiça nesse mundo?

Tantas vezes um uvi oio de tcheu crianças de nós Município, ta dzeme k nô ta dzé k ês é futuro, mas k nô ta continuá ta tchás desamparode no presente,

K nô ta dzé k ês é esperança da paz, mas k nô ta continua ta induzis a violência,

K nô ta dzé k ês é a promessa do bem, mas k nô tês entregue a mal,

Na sés boca um lê k ês ka ta deseja apenas a festinha de nós carinho, mas sim ês ta suplica uma educação com amor,

K ês ka ta pedi apenas brinquedos, mas também bons exemplos e boas palavras,

K ês kré pa gente orientás, pa o k é bom e justo na vida, k ês kré pa nô jdás hoje, pás ka fazen tchora amanhã.

K ês kré pa gente corrigis enquanto for tempo, mesmo k ês tiver de sofré um pouco,

Assim um tava apela a tudo governantes e políticos de Cabo Verde, por favor, nô tenta ser bons exemplos pa criança de nós Terra!

Mas um ta dzé a tudo criancinhas de nós Município, k embora a Assembleia Municipal tenha apenas o poder deliberativo, mas um ta confiante k um ta consegui fazé com k ês ka bem ser apenas o ornamento de nós carinho,k um ta consegui fazé com k ês seja orientode pa tudo o k é bom e justo.

Um kria aproveitá pa dzé a tudo gente de nós Município k nunca um fui nem nunca um ta ser um corta-fita.

Kem partilhá infância má mim, sabé k sempre desde garotinho, um foi um líder. Mas um líder leal, compreensível, cheio de dignidade e personalidade.

Nha sonho é fazé com k população de nós Município senti sempre orgulho de kem ês elegé como primeiro Presidente d'Assembleia Municipal de Tarrafal São Nicolau.

Assim um ta tchá li clore k um ti ta concorre é pa ser Presidente da Assembleia e não deputado Municipal.

Também pa evitá qualquer tipo de convite futuro, um ta tchá li clore k um ka ta pretende recandidatá ou candidatá pa qualquer tipo de cargo politico.

Um tem certeza k 4 anos é suficiente pa retribuí a Concelho onde um nasce, tudo o k el teme proporcionode na vida.

Nha ambição é de ser um exemplo na país, como Presidente d'Assembleia, e de fazé com k nô passá ta ser um modelo, na gestão autárquica Cabo-verdiana.

Assim bocês pode contá com uma Assembleia moderna, uma Assembleia rigorosa, uma Assembleia interventiva, mas acima de tudo uma assembleia de diálogo constante.

Uma Assembleia onde população tem de marcá sempre a presença, não uma presença decorativa, mas sim interventiva, uma Assembleia k ti ta bá estode ao lado da Câmara pa fazes cumpri tudo sés promessa de campanha. Um Assembleia k ka ti ta bá permiti qualquer tipo de desvio, seja qual for o tamanho.

Por ter nascido e criode na um aldeia de pescador, e consciente de sés dificuldades, um kria tchá um mensagem de esperança a tudo nós pescador.

Um kria dzés pás continuá de cana em punho, ta escreve o inesperado e ta lé na correnteza do mar o poema da esperança ou talvez um segredo irrevelado k nunca nenhum poeta ta consegui escreve. Pás continuá ta pesca, mesmo k seja por instinto, ta lança e ta recolhe linha, ta espiá pa finito e pa infinito, ta procurá o peixe desconhecido, mesmo k és tiver de ser os últimos ta regressá de um mar deserto, porque um dia ês ta ser recompensode.

Pa terminá, um kria dzé tudo população de nós municipio k nha consciência ta tranquila, pois um ka kré pa mim, qualquer tipo de bem material, porque o bem material ka tem valor na nha vida, mas um kré sim, bocês amizade, bocês carinho, um kré senti bocês sodade, antes de ter de voltá pa nha local de trabalho, um kré oiá na bocês olhar, uma vontade enorme de ter mim sempre presente.

Pa akés k até agora nô ka consegui ganhá sés intenção de voto, um kria dzés k embora na vida ninguém ta consegui volta pa trás e fazé um novo fim, mas qualquer um de nós ta consegui começa sé novo fim grinhacim.

Assim ainda há tempo. Akés k ta confuso, akés k ainda ka consegui oiá k o final feliz é junto má nós, nô ta dzés ka bzot volta pa trás, mas bzot começá grinhacim, bzot bem fka junto má nós.

Nós canoa ti ta espera pa bzot. Ka bzot continua atoa.

Só é possível desenvolve nós Município se nô continuá junto.

Vamos Continuar, Juntos!