Discurso Apresentação Lista - Praia Branca

Saudações,

É com grande honra k um ta li hoje lado a lado má um fidjo de Praia Branca, k na sê infância fartá de brincá tchitchela tchitche na tudo rua e becos desse aldeia maravilhosa

Praia Branca sempre foi uma povoação, pa qual um tive e um tem um afeição grande, devido a manera diferente de sês gentes, devido a sês forma de encará vida e principalmente devido a sês criatividade e sês capacidade cultural.

Ainda rapazinho, quando um visitá Praia Branca pa primeira vez, um otchá interessante o facto de li ter um porta de entrada. Akel kancela na entrada, pa mim é um símbolo de respeito e disciplina de gente de Praia Branca, pa sé povoação.

Nha referência de festas de Romaria sempre foi Sam Jom de Praia Branca;

Em termos musicais, Praia Branca é localidade na S. Nicolau de maior tradição. Nô ka pode eskcê k alem de grandes tocadores de violino, Praia Branca é terra de dois dakês maiores músicos e compositor de Cabo Verde, Paulino Vieira e Morgadinho,

Mas acima de tudo, Praia Branca é Terra ondé k nascé e sempre vivê akel musico e compositor k fazé a Morna mais bela e mais conhecida de Cabo Verde a nível mundial, kel morna k hoje em dia é cantode até pa russos e japoneses,

Nhas gentes, Armando Frino, é um fidjo digno de nôs Município, pa qual nô deve senti sempre um orgulho grande, um compositor k gente ka pode tchá morrê na memória de qualquer geração de Cabo-Verdianos,

Assim ainda ontem, quando um bem visitá Praia Branca, junto má Toy Soares, nôs futuro Presidente, e li na esse lugar onde k nô tá, um dzel k nô tem de transformá esse casa licim, na um casa de artista em homenagem a tudo artistas de Praia Branca e de nôs Município e nô tem k criá condições pa incrementá turismo e esse de certeza ta bem ser dakês pontos turísticos mais visitode na S. Nicolau.

Mas a respeito disso e mais outros projectos k nô tem pa Praia Branca, Soares, tem tcheu tempo pa apresentá bzot ês, pa pedi bzot opinião e pa assumi má bzot o compromisso de k tudo o k el apresentá ta ser realizode.

Pa isso, nô tem de Continuá Juntos e nôs Assembleia ta contá k tudo gente como parceiro, seja el de k cor politica for, pa juntos nô fiscalizá traboi de Soares na Câmara e fazel cumpri tudo sês promessas de campanha.

Um tem dito sempre k nô kré implementá na Câmara um gestão diferente, com base na transparência e k participação de toda a população, assim como nô ta li pa apresentação de nôs lista, um kria agora traçá bzot, o perfil de nôs equipa, kel equipa k ti ta bá estode na Assembleia, pa conjuntamente nô defende interesses de S. Nicolau,

Esse equipa onde Praia Branca ta devidamente representode através de três jovens dinâmicos, sérios e motivode, um ti ta referi a Edson, Jonas e Olivethe.

Na nôs equipa nô tem uma percentagem de mulheres superior a 40%, porque mulheres de uma maneira geral sempre teve uma participação muito activa e muito importante na desenvolvimento de nôs Município. Morgadinho através de sê linda coladeira, ta tchmá nós atenção pa isso, quando el ta cantá, k ês é nós mãe, nós irmã, ês é nós mdjer, ês é nós tude.

Assim, um ka tem duvida e nha feeling ti ta fazeme senti k bzot aposta é na nós equipa e k bzot kré pa nô continuá juntos.

Vamos Continuar, Juntos

Vivas