Discurso Apresentação Lista - Ribeira Prata

Saudações,

Um visita Ribeira Prata pa 1ª vez com 13 anos de idade, convidode pa Tchida de Nha Olga, nesse tempo jam ka otchá camarão na Ribeira, mas um otchá “Sapo ta fma cigorre” e manga ta estragá na tchom. Um fka nesse altura encantode com a beleza e tranquilidade desse localidade, k manté gravode sempre na nha mente.

Pessoalmente um tava gostá k Rª. Prata tivesse já alcançode, um nível de desenvolvimento k sês habitante ta merecê.

Mas, é impossível desenvolvimento sem Electrificação. Pa mim nôs Democracia tem de ser: “Electrificação de todo o País, mais a participação popular”. Assim um ta admirá é k manera k durante quase 16 anos, em k a única Câmara existente na ilha, foi gerido sempre pa partido k autodominá pai da Democracia, ka consegui trazé electricidade pa Rª Prata.

Embora como candidato a Assembleia, ka ta competime falá de projectos da Câmara, mas um ta pedi Soares desculpa e nesse aspecto um ta abri um parentise.

Electrificação da Rª. Prata e Fragata, é prioritário pa nôs em termos de execução de projectos e não apenas em termos de promessa de campanha.

Ka é Câmara k tem responsabilidade sobre a energia, pois actualmente esse responsabilidade é do Governo, através da Electra, mas é preciso k Câmara colaborá, k Câmara seja sempre um parceiro de Governo/Electra pa k electrificação da Ribeira Prata, torná realidade.

Mim, enquanto quadro da Electra, desde k um aceitá liderá lista de PAICV pa assembleia um tem tentode exercé alguma influência na nhas colegas de Planeamento e Infra-estruturas na Electra, pa q seja possível concluí o quanto antes possível, a rede eléctrica k ta bem de Tarrafal pa Ribeira Prata, passonde pa Praia Branca e terminonde na Fragata, pa nô passá assim ta tem na nôs Município, um taxa de cobertura de electricidade a 100%.

Maior problemas de Projectos do tipo é financiamento, mas quanto a isso nô pode considerá k el ta ultrapassode, porque rede até Praia Branca já tinha financiamento há mto tempo e kel troço de rede de Praia Branca até Fragata, Dr. José Maria Neves, enquanto 1º Ministro, assumi publicamente na apresentação de nôs candidatura na Tarrafal k sê governo ta assumil.

Continuação desse rede de Praia Branca pa Rª. Prata e Fragata deve rondá aproximadamente uns 32 mil contos, assim um kria dzé bocês k tem todas as condições pa dentro em breve nô ter Luz eléctrica na Ribeira Prata e 24 horas por dia.

Mas de execução desse e outros projectos pa Rª. Prata, ta kabé a Soares, enquanto candidato a Presidência da Câmara falá bzot dês.

Nô ta li pa apresentá bocês nôs equipa pa Câmara e pa Assembleia, assim como Líder pa Assembleia, um kria, fazé um breve referência a três fidjo de Ribeira Prata k ta integrá nôs equipa:

José Francisco, um trabalhador de garra, homem sério e integro e k deboche de tudo sês limitações, el tem apostode tcheu na desenvolvimento de sê localidade,

Edirceu, um jovem dinâmico, cheio de personalidade, empenhode na melhoria de condições pa sê localidade,

e Vanusa uma bela moça k embora residente na Tarrafal, mas ela ta carregá Ribeira Prata sempre na coração.

assim, Rª. Prata ta muito bem representode na nôs Assembleia,

Mas qto a mim, a melhor representação, tem de ser toda a população da Ribeira Prata. Na nôs Assembleia, pessoalmente um kré implementá um modelo de funcionamento diferente, um modelo mais democrato, pois nô ta fazé questão de na Assembleia, a população ter a palavra em primeiro lugar e um kré pa gente de Ribeira Prata fazé ser uvido na Assembleia, pa gente de Ribeira Prata participa activamente na desenvolvimento de nôs Município.

Pa isso um ta pedi bocês, pa uvi também os projectos e as ideias do partido concorrente, pa bocês fazé um comparação entre kel de nossa e kel de seus e bocês optá, pa kel kê mdjor. Mas, ka bocês dá mais chance de ser levode pelas euforias da mudança, pois sês atitude é quase sempre enganadora e pa isso ês ta preferi continuá ta tchá Ribeira Prata na escuro.

Nô tem de continuá juntos, pa gente de Ribeira Prata passá ta vivé sempre esclarecido e na luz clore de Electra.

Nô tem de continua juntos, pa nô fazé com k Ribeira Prata passá ta ser akel lugar onde tudo gente ta bem bscá Mam Bia um caninha de greja, mas com a certeza k quando ês voltá ês ta otchá mam Bia.

Vivas,