Discurso Apresentação Lista - Tarrafal

Saudações,

Já bzot devé ter percebido k um tem sempre um vontade enorme de falá má gentes de S. Nicolau, mas hoje um ka ti ta bem falá tcheu, porque hoje nôs objectivos é dá bzot a conhecê nôs equipa, kel equipa k bzot sem qq tipo de percipitação ti ta bem escolhe dia 18 de Maio, pa juntos nô continuá ta construí e desenvolvê nôs Município.

Hoje um ka ti ta bem falá tcheu, porque senão de POETA um podé passá ta ser PROFETA.

Mas um kria aproveitá o facto de nô estode na um espaço de profecia, um espaço k foi criode pa um de nhas herói de infância, um profeta de Tarrafal, Nhô Padre Gisgualdo e dzê bzot k assim como Paulino Vieira, grande musico e compositor, fidjo desse município ta cantá na um de sês musica mais melódica, e dakês mais bnito de Cabo Verde, “mim também jame kria ser poeta, jame kria ser poeta pa escreve um mar de poesia ta pedi Deus pa fazé prevalecê na Tarrafal um ambiente de convivência sã, um ambiente de amizade, um ambiente de entreajuda, um ambiente de fraternidade e acima de tudo um ambiente ondê k nós tudo ta respeitá ideias e diferenças dos outros”.

Mas mim tbém um kria ser poeta pam escreve um mar de poesia ta pedi Deus pa iluminá cabecinhas ocas de tudo kês k ta pensá k ma Democracia é um tipo de delegação de competências a meia dúzia de gote pingode, um tava escreve um mar de poesia ta pedi Deus pa pôs na bom caminho porque nôs terra precisá de nôs tudo. Nôs tudo tem k contribuí pa crescimento de nôs país, cada um á sê manera, mas sempre de forma positiva.

Durante nôs campanha, nô ka ti ta bem respondê a insultos nem provocações de ninguém, nô ti ta bem fazé tudo pa mostrá k na Tarrafal politica é feita de forma diferente, nô ti ta bem fazé um campanha pedagógica, um campanha de debate de ideias, um campanha de troca de opinião, um campanha de esclarecimento e dá povo a possibilidade de escolhe akel equipa k tem mdjor condição pa geri nôs Município.

Mas um cosa é certo, sempre k alguém tentá baralhá cabeça de seja el kem for, nô ka ti ta bem dal esse prazer, nô ta fazé tudo pa esclarece o k for preciso é necessário.

O k nô kré é pa tudo gente tem possibilidade de votá em consciência,

Nô ka ti ta bem tentá comprá voto de ninguém k meia dúzia de sacos de cimento nem k groguinha,

Tudo o k nô tem pa oferecê, pa jdá, pa partilhá, nô ta proporcionás depois das eleições e com a certeza k pa nós tudo, o sabor ta ser mais especial e o aproveitamento ta ser mdjor.
Um kria dzê bzot k nô tem de continuá juntos ta prepará pa transformá nôs município na um Município diferente, num Município em que a integração social, a paixão, a amizade permanente e a maneira especial de sê povo ta ser principiais regras de sê funcionamento.
Por isso um ti ta bem dá bzot a conhecê o perfil de kel equipa k na Assembleia Municipal ti ta bem fiscalizá ês tais regras de funcionamento, kel equipa k ti ta bem imprimi mais credibilidade, mais transparência e mais confiança a nôs Município.

Nô tem um equipa jovem e com motivação, em k a média da idade é de

Nô tem uma equipa com uma presença feminina de 43%,

Nô fazé esse questão, face a papel k mdjer tem desempenhode na desenvolvimento de Município de Tarrafal;

Mas acima de tudo nô tem um equipa de gente bnito, mas atenção, gente bnito por dentro e por fora.

Ês escreve na um panfletinho de seus k mim é um desconhecido, entom um amigo de meu na S.Vicente dzeme “um uvi dzê k bô é um desconhecido, qdo bô bá pa S.Nicolau dzê esse pessoa k um mandá dzel k na S. Vicente nôs é um data k tava gostá de ser pulga de bô gote, dzel k seria bom se 10% de população de Cabo Verde, fosse tão conhecido”.

Raciocínio desse amigo ka ta errode, pois: Manera k um pessoa kê Director de Sistemas de Informação na Electra, kê Director Interdepartamental na IESIG, k já redigi e prepará um data de manual de cursos diversos, k já dá formação na Cabo Verde, pa milhares de jovens, dos 12 aos 70 anos, k durante sê curso de licenciatura na Informática, na um Universidade cheio de árabes, latinos, europeus e estudantes de outros países de Africa, foi eleito durante 2 ano consecutivo Presidente de concelho de estudante estrangeiro, um engenheiro k na um ilha como S. Vicente ta presidi a Direcção Regional da Ordem dos Engenheiros, um Engenheiro q já foi consultor informático de Hotel Djadsal e Mindelhotel, Cabnave, Fabrica Tabacos, Garantia, BCA, Enacol, Câmaras Municipais de Paul, Rª Grande, Porto Novo e S. Vicente, entre outros, pode ser desconhecido. Mas mim um ta dzé esse amigo de meu k infelizmente vida até agora ka tinha dode geração de nha ilha k tem idade até 26 one a possibilidade de concheme dret.

De facto ou esse pessoa é cego, surdo, ou el ti ta pô em prática a estratégia partidária enganadora.

Na nôs equipa, nô tem um grupo considerável de Professores, porque professor tem um papel importante na desenvolvimento de qq município emergente, é professores é k ta formá gente, fazês ser homens de amanhã. Quando nós é piknim nô tem de bá pa escola e nôs Município ta ainda na idade escolar.

Mas também, nô tem empresários, agricultor, trabalhador, estudantes e funcionários públicos diversos.

Enfim nô tem um equipa com qualidade e capacidade suficiente, pa representá da melhor forma possível na Assembleia, tudo localidade de nós Município.

Pa isso nô tem k continuá juntos.

Vivas